| Mantuns país d’Aquitània que celèbran las lors produccions agricòlas, las lors especialitats gastronomicas o economicas e tot. Aqueras hèstas o hèiras, que sian creadas de non i a guaire, que tornen har víver ancians aplecs professionaus com los comicis agricòlas o que testimònien d’ua istòria pluriseculara com las granas hèiras vadudas a l’Edat Mejana, que son autant de parats d’amassadas hestivas on s’i mèsclan musica, canta, dança, credenças popularas e mei patrimòni paisatgèr, patrimòni bastit, materiau e immateriau. |
