A Sent Pèir d'Aurilhac a 60 km au sud de Bordèu, entre vitatge e Garona, lo Hestenau deus Pifres de Garona qu’ei vadut en 1991 de la hami d’aplegar los jogaires de pifres e los tambors deu parçan, e de har ua bèra hèsta…
Las ripataulèras que manquèn de desaparéisher a la mieitat deu sègle XXau mes que beneficièn de la dinamica de las annadas 1970 pertocant las musicas tradicionaus e de la volontat d’ancians musicians de passar las lors coneishenças a ua generacion navèra. Los talhèrs deus pifres de Sent Pèir d’Orlhac que s’i hasón tad aquera arrenavida qui’s coneish tanben per la creacion deu hestenau.
